Pormal nang gideklarar sa Regional Oversight Committee on Barangay Drug Clearing Council (ROCBDC) nga gipangunahan sa Philippine Drug Enforcement-9 ang 17 ka mga barangay sa 8 ka mga lungsod nga mga drug-cleared barangay sa lalawigan sa Zamboanga del Norte.
Kini ang resulta sa gihimong Drug Clearing Deliberation sa Regional Oversight Committee nga gipahigayon kahapon, Oktubre 16, 2023 sa plenary hall sa Zamboanga del Norte Convention and Exhibition Center, nga nahimutang sa Barangay Estaka, ning Dakbayan sa Dipolog.
Ang 17 ka mga barangay gilangkuban sa Barangay Dohinob, Roxas; Jose Rizal, Purok 1, Matam, Mias ug Tuburan, Katipunan; Sto.Tomas, Mutia; Guisapong, Godod; South Mapang ug Nasipang, Rizal; Del Pilar ug Poblacion South, Piñan; Mamad, Decolom ug Milidan, Baliguian; ingon man ang Barangay Basak ug Lingayon sa lungsod sa Sibuco.
Ang ROCBDC nga nagpahigayon sa maong deliberasyon gilangkuban nila ni PDEA-9 Regional Director Laurefel P. Gabales isip Chair, Acting Regional Director for Operation Romeo) Espero Jr. (PNP-RO-9), Mr. Elmer Egama (DILG-9) ug Dr. Elaine J. Rodriguez (DOH-9).
(Source: Provincial Government of Zamboanga del Norte Facebook page)