Nagtagbo karon ang mga Local Disaster Risk Reduction and Management Officers sa rehiyon 9 alang sa labing unang Zamboanga Peninsula League of LDRRMOs 20225 Strategic Conference 2025.
Kini gipahigayon sa Zamboanga del Norte Convention and Exhibition Center nga nahimutang sa Barangay Estaka ning Dakbayan sa Dipolog.
Malipayon nga gidawat ni PDRRMO OIC Mr. Norman Alegarbes ang mga LDRRMOs ug gipasalamatan sa ilang pagtambong sa labing unang gipahigayon ang panagtagbo sa mga LDRRMOs dinhi sa Dakbayan sa Dipolog.
Sa mensahe ni Dapitan City Mayor Seth Frederick Jalosjos, 2024 Gawad Kalasag Awardee, ang pinasidunggang mamumulong kinsa girepresentahan ni Dapitan City councilor Bing Balisado, gihatagan niini ug punto ang kamahinungdanon sa pagpangandam sa unsa mang taliabot nga katalagman.
Tumong niini nga masiguro ang kaluwasan sa katawhan ug mamenusan ang kadaot sa mga propiyedad sa katawhan ug mga inprastaktura sa kagamhanan.
Gihimong panag-ingnan ni Mayor Jalosjos ang Dakbayan sa Dapitan nga nakadawat sa 2024 GK Award gumikan sa unsa mang miabot nga katalagman sa Dakbayan.
Partikular niining gipasigarbo ang ilang kaandam sa mahitabong kalamidadm hinanaling pagresponde, paghatag sa gikinahanglang hinabang ug pagpahigayon ug rehabiltasyon sa mga na-apektuhan.
Gipaabot usab ni Governor Rosalina βNanay Neneβ Jalosjos, kinsa girepresentahan ni Ms. Lenie CastaΓ±eda ang pagpasalamat sa pagpahigayon sa maong panagtigom, ilabi nga ang atong nasod, partikularmente ang atong rehiyon, ilabi na ang Zamboanga del Norte nga kanunay gihulga sa nagkalain-laing katalagman sama sa linog, baha, ug uban pa.
Sa samang higayon, gihatagan usab ug gibug-aton ni Gov. Nanay Nene Jalosjos ang kamahinungdanon sa panaghiusa ug kooperasyon sa tanan aron malikayan o kaha mamenusan ang kadaot sa unsa mang katalagman.
Si OCD-9 Regional Director Ruel Jalanes personal nga mitambong ug mifacilitate sa gipahigayong deliberasyon ug planong pagpahigayon sa Training of Instructor sa mga LDRRMOs sa rehiyon.
Ang rehiyon 9 gilangkuban sa Zamboanga del Sur, Zamboanga Sibugay ug Zamboanga del Norte, Dakbayan sa Isabela, Pagadian, Zamboanga City, Dipolog ug Dapitan ug mga MDRRMOs sa nahisgutang mga lalawigan. (Angelica T. Obina)
(Source: PIC)