Human sa hataas nga panahon, nahatagan na ug katumanan ang dugay na nilang gipangandoy nga konkretong dalan sa Barangay Patik, lungsod sa Katipunan ning lalawigan.
Si Barangay Patik Punong Barangay Diony Pestanas ang mipaabot sa iyang dakong pagpasalamat ngadto ni Governor Rosalina βNanay Neneβ Jalosjos tungod kay atul sa iyang paglingkod kaniadtong tuig 2022, gihatagan gilayon ni Nanay Nene ug pagtagad ang ilang gusbat nga dalan. Dugang ni Kapitan Pestanas nga sayon na nila ihandus ang ilang mga produkto gikan sa bukid ngadto sa kamerkaduhan gumikan kay nindot naman ang ilang dalan.
Samtang si Romeo Recentes, 62 anyos, molopyo sa Barangay Patik nagpasalamat usab ni Nanay Nene sa maong dalan tungod kay kaniadto usa siya nakasinati nga nadisgrasya sa maong dalan gumikan sa kamaot sa maong dalan. Gani, naa pay mga bata ang nangalagpot sa mga motor gumikan sa kalisud sa maong dalan kaniadto. Dugang ni Recentes nga karon nga gihatagan sila ni Nanay Nene ug maayong dalan, maayo ug ayahay na ang ilang pag-agi niini ilabi na sa paghandus sa ilang produkto sa bukid.
Nasayran gikan sa Provincial Engineering Office nga ang Concreting of Patik to Sitog Provincial Road (Phase 1) adunay gitas-on nga 1,300 metros nga nagkantidad sa P24, 560,000.00 samtang ang Phase 2 niini adunay gitas-on nga P1, 229.67 metros ug nagkantidad sa P24,436,529.38. (Angelica T. Obina)
SOURCE: PIC-Sheng Jumalon Bala
Photos: Myden Kandas and Dhomreals Reluya