Balhog sa prisohan ang usa ka habal-habal driver homan kini masikop sa mga tinugyanan sa balaod, mga ala 5:05 ang takna sa kahapunon , Hunyo 23,2025,didto sa Purok Tonggo, Barangay Minaog ning dakbayan sa Dipolog.
Ang dinakpan naila nga si RICHARD GOMEZ TANAEL ,38 anyos,ulitawo, usa ka habal-habal driver ug residente sa Bolicon Turno, Dipolog City , nailhan nga DI watchlisted, kinsa gisikop pinaagi sa mga personahe sa ZNPDEU pinangulohan ni PCPT JEOFFERD S CELESTINO (Lead Unit),DIPOLOG CPS ug 5thSOU MABUHAY SBC.
Atol sa operasyon nasakmit gikan sa suspek ang Usa ka piraso nga big size heat-sealed transparent plastic sachet nga adunay sulod nga puti nga crystalline granules nga gituohang “shabu” isip buybust item, Usa ka piraso nga dako nga heat-sealed transparent plastic sachet nga adunay sulod nga gituohang “shabu” isip posesyon ; Usa ka piraso sa 1,000 peso bill isip buy bust money, 33 ka piraso sa tig 1,000 peso nga boodle money, Usa ka pakete sa sigarilyo nga nagsilbing sudlanan sa drug item ug Usa ka unit nga cellular phone (infinix brand)kolor green.
Ang narekober nga Drug Evidence nga adunay gibanabanang gibug-aton nga 10 ka gramos nga adunay standard drug price nga Php 68,000.00.
Ang mga nakumpiska nga drug items gi-turn over sa ZDN Provincial Forensic Unit para sa eksaminasyon samtang ang suspek gitanggong ubos sa protective custody sa DIPOLOG CPS alang sa tukmang disposasyon.(Medalyn U. Borja)
Source: ZNPDEU