31.9 C
Manila
Thursday, March 28, 2024

Demolisyon sa mga pamalay sa ubos sang Lupit Bridge, Iga-padayon subong nga adlaw

- Advertisement -

Bacolod City – Subong nga adlaw naka schedule ang pagpadayon sang Gin-untatan anay nga demolition sa mga panimalay sang gina kabig informal settlers. Sa ubos sang tay-tay sa Lupit, Purok Katilingban-2, Brgy. 39, Bacolod city.
Ini nga lugar ang napatungaan sa mga Barangay sang Brgy. 39, Brgy. 40, Brgy. Singcang kag Brgy. Taculing.

Madomdoman, nga sang Merkules, Hulyo 11, 2018 sang gin sugdan pag demolish ang mga pamalay sa amo nga lugar. Nga may yara 25 ka households kag masobra sang 200 ka individuals. Apang temporary ini nga gin untatan bangud sa wala hunong nga bundak sang ulan.

Sa pagbisita sang RPN-DYKB, sa amo nga Lugar, aton na interview ang pipila ka mga pumuloyo kag suno sa ila, Bulan sang Pebrero sini nga tuig sang sila ang ginpadal-an sang notice to vacate halin sang City legal office. Apang bangud sa kapigadohon,wala gid sila makahalin, gani suno sa ila laban sa ila mga obra amo gid lamang ang pag himo sang apa ukon putos sang lumpia, ang iban naga drive sang padyak ukon sikad-sikad kag ang iban naman naga obra sa Construction.

Ginapangabay naman ni Donato Aguda, 45 anyos, may asawa kag gina kabig nga leader sa ila kumonidad, nagapangabay sila sa BHA kag sa Office of the City Mayor, nga kuntani indi na sila pag pabudalayan pa sa pag kuha sa mga requirements agud nga ma award na sa ila ang duta sang relocation site kag ila man mabaton ang ginpasalig nga cash assistance agud makapatindog sila maski kubo-kubo man lang kapin pa nga ga inulan na.

Kay base sa aton interview, sa isa ka Ginang na si Mary Joy Pobleo, 46 anyos, Birth Certificate nalang gid kuntani ang iya nga kulang, agud maaward na sa iya ang amo nga duta, apang nabudlayan siya mag gawad sang Birth certificate, bangud mag luwas sa napaka dugay nga proseso sa paggawad bangud sa laba nga pilihay sa Philippine Statistics Authority (PSA) wala man sila kwarta ibayad sa pag gawad kag plete pakadto-pakari sa amo nga opisina.

Na interview man naton si Nanay Mercilita Arroyo, 64 anyos isa ka byuda, suno sa iya gin pangitaan sya sang Marriage Certificate kag Death Certificate sa iya anay nga bana. Apang suno sa iya nadula ang tanan nila nga papelis sang sila ang ginbahaan sadto kag nagkalaanod ang ila nga mga gamit lakip na ang ila nga mga papelis.

Gin-tilawan man kuntani pagbisita sang news team sa New Government Center sang Bacolod City agud aton makuhaan sang ila nga reaction si Atty. Joselito Bayatan ang City legal officer kag si Architect Faith Joy Lumaway sang Bacolod Housing Authority apang sila ang wala sa ila opisina.

Kag sa bahin naman sa City Mayor sang Bacolod,na si Mayor Bing Leonardia, sya naman ang out-of-town sa sini nga tinion, bangud sya ang naimbitahan nga mag tanpaw sang fight ni Senator Manny Pacquiao sa Kuala Lumpur, Malaysia. / RANDY CORONEL

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -