Gipagawas ni Mayor Emilou “Miloy” Nuñez ang Executive Order No. 5, Series of 2026, nga nagasuspende sa klase sa tanang publiko ug pribadong mga eskwelahan sa tanang lebel, lakip na ang trabaho sa teaching ug non-teaching personnel, sa Munisipyo sa Cateel sugod Pebrero 5, 2026 hangtod sa mosunod nga pahibalo.
Ang suspensyon kabahin sa pag-amping batok sa posibleng peligro nga dala sa Tropical Depression Basyang.
Magpadayon ang operasyon sa mga opisina sa gobyerno, ug ginadani ang mga empleyado nga mosulod sa trabaho gawas kung adunay laing opisyal nga pahibalo.
Gipahibalo ang publiko nga magmatngon ug mosunod sa opisyal nga mga abiso sa LGU Cateel alang sa pinakabag-ong update.(Camille Santos Naraga)(Source: Munisipyo sa Cateel)