Davao City – Magpatuman og “Zero Remittance Week” ang mga Overseas Filipino Workers (OFW) sa Maisug Croatia isip porma sa protesta batok sa aksyon sa gobyerno sa Pilipinas ngadto kang Former President Rodrigo Roa Duterte (FPRRD).
Ang maong lakang nagpasabot nga dili magpadala og remittances ang mga OFW ngadto sa Pilipinas.
Sugdan ang Zero Remittance Week karong Marso 28, 2025, nga nagkatakda sa ika-80 nga adlaw’ng natawhan ni FPRRD ug molungtad hangtod Abril 4.
Pinaagi niini, gipadayag sa mga OFW ang ilang tinguha nga ipabati sa administrasyon ni President Marcos ang ilang kasubo ug protesta, ilabi na sa pagpabilanggo kang FPRRD sa International Criminal Court (ICC) sa The Hague, Netherlands.
Suportado usab sa mga OFW sa ubang dapit sa Europe ug sa lain-laing parte sa kalibutan ang maong Zero Remittance Week. (Camille Santos Naraga)
(Source: Contributed)