Davao del Norte – Angol ang usa sa tulo ka mga carnapper nga nasikop human nga misukol sa mga sakop sa Carmen Municipal Police Station sa Brgy. Alejal sa Carmen.
Sumala sa report, dali nga mirescue ang kapulisan human nga adunay nangayo ug tabang nga si alyas Rey nga nakita niini nga gigamit sa 3 ka suspek ang iyahang motor nga nawala.
Misulay pa sa pagsibat ang mga suspek sa dihang nakita ang mga pulis, apan wa nay nahimo ang duha nga silas alyas Autor ug alyas Dodong.
Samtang si alyas Jason ang midagan ug nagpagukod sa mga pulis pag-abot sa kakahoyan, mibunot sa iyang pistola hinungdang napusilan sab kini sa mga pulis.
Gisuwayan pa pagdala sa kapulisan ang suspek sa balay tambalanan aron nga maluwas kini.
Samtang, Pasakahan og kasong carnapping ingon man paglapas sa Comprehensive Firearms and Ammunition Regulations Act kon RA 10591 ang mga dinakpan. (Camille Santos Naraga)
(Source: PRO XI)