Davao City – UPDATE: Usa ka 62-anyos nga retired nga kapitan sa barko ug tag-iya sa usa ka medical laboratory ang nadiskubreng patay sulod sa ilang balay sa Buhangin, Davao City, niadtong Marso 15, 2025.
Ang asawa sa biktima, nga tua sa Manila, nabalaka human kini wala motubag sa iyang mga tawag. Tungod niini, iyang gisugo ang mga empleyado sa laboratoryo aron susihon ang kahimtang sa iyang bana. Pag-abot sa balay, ilang nadiskubrehan ang lawas sa biktima nga adunay samad sa liog tungod sa pagdunggab.
Gisusi sa kapulisan ang insidente ug ilang gila ang helper sa balay nga si Jazon Soda Capisnon isip person of interest. Sa iyang kwarto, nakit-an ang notebook nga nagpakita og plano sa pagpatay sa biktima. Narekober usab ang kutsilyo ug usa ka round bar nga may mga marka sa dugo. (Camille Santos Naraga)
(Source: Contributed)