Davao City – Sikop sa otoridad ang usa ka lalaki nga nagpaka-aron ingnong dentista, human gikasa ang operasyon sa CIDG Davao del Sur PFU uban ang Digos CPS niadton Abril 18.
Ang dinakpan giilang si Arnold Pulvera Estrada, 34 anyos, minyo, nameke nga dentista, ug residente sa Purok Sambag, Ebrio Village, Brgy. Tres de Mayo, Digos City.
Sumala sa reort, ang dinakpan mihimo ug trabaho sa usa ka dentista nga way igong dokumento o permit gikan sa Philippine Dental Association.
Dugang niini, ang giingong iligal nga binuhatan adunay kalapasan sa Phil. Dental Act (R.A. 9484) o Fake Dentistry.
Sa karon, anaa na sa kustodiya sa CIDG ug gihikay na ang kasong atubangon ang suspek.(Camille Santos Naraga)
(Source: PNP XI)