Davao City – Patay ang usa ka mananagat human kining maigo og kilat sa Lanang Aplaya Beach Resort, Barangay Hizon, Davao City.
Giila sa kapulisan ang biktimang si Sofronio Pal Taneo, 65 anyos, residente sa Sitio Bolakan, Barangay Aquino Agdao, Davao City.
Base sa report sa kapulisan, nangisda ang biktima dihang naigo kini sa kilat tungo sa kusog nga ulan.
Dugang niini, nga nakita sa residenteng si Armand Alcociba Adriano ang panghitabo hinungdan nga nanawag kini og mga kaubanan aron i-rescue ang mananagat ug ilaha pa kining gi-revive pinaagi sa pag-apply og CPR apan napakyas sila.
Hasta ang mga miresponding rescue team sa central 911 ang naningkamot nga ma-revive ang biktima apan napakyas sab kini ug gideklarang patay. (Camille Santos Naraga)
(Source: Sasa Police Station | PIO PRO-XI)