Davao City – Arestado ang usa ka indibidwal human kining nakuhaa ug gituohang marijuana sa PNP/TF Davao Fixed Checkpoint sa Licanan, Barangay Lasang, Bunawan District.
Giila ang dinakpan nga si alyas John, 30-anyos ug residente sa San Isidro, Davao Oriental.
Atol sa inspeksyon nakuha sa posisyon sa suspek ang kapin P90,000 pesos nga marijuana, 2 ka mga self-sealing plastic transparent cellophane ug 1 ka yellow nga sako sa bugas unod ang mga pinaugang dahon sa marijuana.
Sa karon, himas rehas ang dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: DCPO)