Usa ka gidudahang miyembro sa rebeldeng New People’s Army (NPA) ang napatay atol sa engkwentro tali sa Philippine Army ug mga armado sa Barangay Kasapa-2, lungsod sa La Paz, Agusan del Sur.
Sumala sa report sa kasundalohan, milungtad og pito ka minuto ang panagbangga nga misangpot sa kamatayon sa usa ka rebelde nga giila nga si Alvin, nga nailhan usab sa alyas nga “Ivan.”
Narekober sa mga tropa sa Army sa lugar sa engkwentro ang usa ka high-powered firearm ug mga bala nga nabilin tapad sa lawas sa napatay na armado..
Nagpadayon karon ang clearing ug security operations sa maong barangay aron masiguro ang kaluwasan sa komunidad ug malikayan ang posibleng balik nga presensya sa mga armado.(Camille Santos Naraga)(Source: 403rd Infantry “Peacemaker” Brigade)