Davao City – Arestado ang usa ka driver human gikasa sa mga sakop sa Bunawan Police Station ang drug buy bust operation sa fixed checkpoint sa Brgy. Licanan, Lasang, Davao City.
Giila ang dinakpan nga si alias “Junriel”, 28 anyos residente sa Purok 3, Mellenium, San Isidro, Bunawan District, Davao City.
Nakuha sa posisyon sa suspek ang iligal nga droga nga adunay gibug-aton nga 4.73 grams nga nagkantidad ug kapin P32, 164 pesos.
Sa karon, himas rehas ang dinakpan ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: DCPO)