New Corella, Davao del Norte – Dead on the spot ang amo nga nagdrive human kini gipusila saiyahang body guard sa Purok 1, Barangay Suawon, New Corella, Davao Del Norte.
Wala na magginhawa dihang naabtan sa kapulisan biktima nga si Ansary Camarello Acmad, 35 anyos ug lumulopyo sa Purok 3b Apokon,Tagum City, Davao del Norte
Giila sa kapulisan ang bodyguard nga si Junifer Malinao Malayao, 45 anyos, taga Purok 5 Poblacion, New Corella
Sumala sa imbistigasyon sa New Corella Municipal Police Station, anaa sa frontseat ang asawa sa biktima samtang nakalingkod sa likod ang bodyguard.
Dugang niini, nga mibunot ug barol human gipusil sa makadaghang higayon rason saiyahang hinanaling kamatayon.
Dali nga mibuhat ug operasyon ang kapulisan sa pagpanguna ni PCol Antonio Alberio Jr. sa New Corella PNP kuyog ang pwersa sa Intel-Unit ug RPSB Cluster 3-A ug swerteng nasikop dayon sa ang suspek sa Purok 7, Talisay, Barangay Suawon, New Corella.
Sa karon nakakustodiya sa New Corella Municipal Police Station ang giingong bodyguard. (Camille Santos Naraga)
(Source: New Corella MPS | PIO PRO-XI)