Davao City – Patay ang usa ka babae human kining gipusil sa kainom nga uyab niini nga usa ka police sa Purok San Miguel, Monseda Compound, Brgy Indangan, Davao City.
Giila ang biktima nga si Justine May Villaroja, residente sa Dumanlas, Brgy Buhangin, Davao samtang ang suspek usa ka aktibong police nga giilang si Patrolman Alvin John Tayamin kinsa na assign sa Mandug Police Station.
Sumala sa report, naginom gilayon ang duha apan nagkalalis kini nga miresulta sa pagpamusil sa suspek ngadto sa biktima.
Dugang niini, Gilayong misurender ang suspek ug andam nga magatubang sa kasong ipasaka batok kaniya. (Camille Santos Naraga)
(Source: DCPO)