Davao City – Arestado ang usa ka Army Reservist human gikasa sa mga sakop Bajada Police Station ang drug buy bust operation sa 20 sa First Opal St., Brgy. Paciano Bangoy.
Giila sa Bajada Police Station ang suspek nga si Jesto Alfie Ryan Cubol alyas Ryan, Top 10 drug watchlist sa Davao City, 40-anyos ug residente sa Sto. Niño Mintal, Tugbok district samtang ang kauban niini giilang si Alberto Omolyan Basilan Jr., 30-anyos, usa ka laborer nga residente sa Malita, Davao Occidental.
Nakuha sa posisyon sa mga suspek ang pinaugang dahon sa marijuana nga mutimbang ug 110 grans ug nagkantidad sa kapin P4,500 pesos.
Sa karon, himas rehas ang mga suspek ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: DCPO)