Arestado ang giilang Top 3 drug watchlist sa Davao Region human nga gikasa sa mga sakop sa Philippine Drug Enforcement Agency Regional Office XI (PDEA) ang drug buy-bust operation sa Purok Santol 1, Barangay Kiagot, Digos City.
Giila ang suspek nga si Luzelyn Alfoja Sur, 51 anyos, Top 3 drug watchlist ug residente sa Barangay Zone 3, Digos City.
Nakuha sa posisyon sa suspek ang usa ka pakete sa gituohang shabu nga mutimbang ug 1 gram nga nagkantidad ug P13,000 pesos ingon man ang laing duha pa ka mga pakete sa iligal nga druga nga mutimbang ug 11grams nga nagkantidad og P74,800 pesos ingon man ang ang drug paraphernalia.
Sa karon, himas rehas ang suspek ug mag-atubang sa kasong paglapas sa RA 9165 kun Comprehensive Dangerous Drugs Act of 2002.
(Camille Santos Naraga)
(Source: PDEA XI)
