Davao City – Arestado ang duha ka driver sa bus ug van human kining nagposito sa iligal nga droga atol sa sa gipahigayon nga Quick Random Drug Test sa Davao City Overland Transport Terminal ug van terminal, subay sa programa nga Oplan Harabas 2024.
Sumala ni Yuri Lim, head sa Regional Law Enforcement Section sa LTO XI, ang maong duha ka driver gikan sa grupo sa 50 ka bus ug van drivers nga gi-drug test niadtong Disyembre 19, 2024.
Hinoon, ipailalom pa ang duha ka driver sa confirmatory test sa Philippine Drug Enforcement Agency XI (PDEA XI) aron mapamatud-an ang resulta. (Camille Santos Naraga)
(Source: Contributed)