North Cotabato – Patay ang usa ka security guard nga pasahero sa Mindanao Star Bus human nga gipusil sa usa ka pulis samtang naglawig sa Barangay Batasan, Makilala.
Giila ang biktimang pasahero nga si Reynaldo Bigno Jr., taga Sitio Flortam, Batasan, Makilala samtang ang suspek giilang si PCpl. Alfred Dawatan Sabas, aktibong police nga naassign sa Police Station 7 sa General Santos City.
Nakahiagum ug samad pinusilan sa ulo hinungdan sa iyang kamatayon.
Sa report, mismong ang pulis ang nagmando sa driver sa bus nga mangayo og tabang sa checkpoint sa 1104th RMFB 11 border control point sa New Opon, Magsaysay, Davao del Sur. Apan imbes nga musurender, kalit nga gipamusil sa suspek ang duha ka mga pulis nga naka duty sa checkpoint.
Dali usab miikyas ang suspek human sa insidente. (Camille Santos Naraga)
(Source: Contributed)