Davao del Norte – Sikop sa pipila ka indibiwal human nga gikasa sa mga sakop sa Philippine Drug Enforcement Agency Regional Office (PDEA) XI ang drug buy-bust operation sa Purok 5-A, Barangay San Miguel, Tagum City.
Giila sa PDEA XI ang suspek nga si Archie Calooy 38-anyos ug residente sa Purok Tipaz, Magugpo East, Tagum City samtang giila ang duha kinsa naaktohang anaa sa drug den nga si Jayrald Cris Fernandez ug Geoffrey Lastimado.
Sumala sa report, nakuha sa posisyon ni Calooy ang usa ka paketeng shabu nga mukantidad ug kapin P10,000 pesos.
Dugang niini, nga nakuha sab kay Fernandez ug Lastimado ang laing duha ka mga pakete sa gituohang shabu nga mutimbang og 12grams.
Mukantidad ug kapin P91,600 ug sumatotalon ang nasignit sa PDEA XI.
Kasong paglapas sa Republic Act 9165 o ang Comprehensive Dangerous Drugs Act of 2002 ang atubangon sa mga dinakpang indibidwal. (Camille Santos Naraga)
(Source: PDEA XI)