Davao City – Dako ang kalipay sa kapin 173 ka mga pamilya sa Mati City human kining nakadawat ug ayudang pinansyal nga naggikan sa sa National Housing Authority XI ubos sa Emergency Housing Assistance Program kon EHAP.
Ang giingong mga benepesyaryo naggikan sa Brgy. Don Martin Marundun kinsa biktima sa sunog, residente sa Sainz kinsa apektado sa Bagyo, Tagabakid ug Central.
Nakadawat ang matag pamilya ug kapin P10,000 pesos gikan sa pundo ni Senador Christopher Lawrence “Bong” Go nga gibutang sa EHAP sa NHA XI.
Samtang, gikalipay usab lokal nga panggamhanan ang giingong pagpanghatag ug gisiguro niini nga suportado ug unahon ang seguridad sa mga taga City. (Camille Santos Naraga)
(Source: Mati CIO)