City of San Fernando, Pampanga — Niadtong miaging semana, gihimo ni Police Brigadier General Hansel M. Marantan, Director sa Highway Patrol Group (HPG), ang usa ka command visit sa Regional Highway Patrol Unit 3 (RHPU 3), nga nahimutang sa Camp Captain Julian Olivas, City of San Fernando, Pampanga.
Ang maong pagbisita gipangulohan ni Police Colonel Joel L. Mendoza, Regional Chief sa RHPU 3, ug nagtumong sa pagpalig-on sa koordinasyon sa liderato, pag-assess sa operational readiness sa yunit, ug pag-ila sa mga kalampusan sa mga personnel. Lakip usab sa agenda ang courtesy call ni PBGEN Marantan kang PBGEN Rogelio Ibasco Penones Jr., Regional Director sa PRO 3.
Sa kalihokan, gihimo ang “Talk to Men” session, pagpasidungog sa mga kwalipikado nga personnel pinaagi sa paghatag sa Master Rider ug Senior Master Rider badges, ug ang seremonyal nga turnover sa mga nabawing motor nga sakyanan ngadto sa ilang mga tag-iya. Ang maong aktibidad gitapos pinaagi sa boodle fight, nga nagpalig-on sa panaghiusa, camaraderie, ug espiritu de corps sa mga kawani sa yunit.
Ang maong command visit nagpakita sa padayon nga suporta sa HPG sa mga yunit niini ug sa ilang commitment sa epektibo ug propesyonal nga serbisyo sa publiko.(Camille Santos Naraga)(Source: Contributed)