DAVAO CITY – Mupasaka og kasong kriminal ug malversation ang Office of the Ombudsman batok kang Sarah Discaya, Maria Roma Angeline Remando sa St. Timothy Construction Corporation, ug walo ka opisyal sa DPWH Davao Occidental District Engineering Office.
Nalambigit sila sa giingong ₱96.5 milyon nga ghost flood control project sa Barangay Kulaman, Jose Abad Santos, Davao Occidental.
Sumala ni Assistant Ombudsman Mico Clavano, nagtinabangay kuno ang grupo sa pagpaluya sa tibuok pondo sa proyekto bisan pa nga — base sa inspeksyon ug testimonya sa mga testigo — walay aktwal nga konstruksyon nga nahitabo. .(Camille Santos Naraga)(Source: Contributed)