DAVAO CITY — Malampusong nasikop pag-usab sa Davao City Police Office (DCPO) ang usa ka preso nga nakaikyas gikan sa ilang custodial facility niadtong Pebrero 5, 2026.
Giila ang suspek nga si Alfred Matute, nga nasakop sa Tracker Team sa Special Operation Group (SOG) ug City Drug Enforcement Unit (CDEU) sa Laverna, Buhangin, Davao City pasado alas-10 sa gabii niadtong Pebrero 9.
Sumala sa kapulisan, nakadawat sila og impormasyon mahitungod sa gitaguan sa suspek, nga maoy hinungdan sa gilayon nga paglunsad sa manhunt operation nga misangpot sa iyang pagdakop.
Gibalik na sa kustodiya sa kapulisan ang suspek alang sa dugang nga pagproseso ug pag-atubang sa iyang mga kaso.(Camille Santos Naraga)(Source: Contributed)