Midsayap City – Dead on arrival ang usa ka mipapili nga konsehal sa munisipalidad sa Midsayap, Cotabato Province human gipusil sa wala mailhing armado sa Purok 4, Barangay Central, Katingawan, Midsayap.
Giila sa kapulisan ang biktima nga si Jerry Ledda Dofredo, 46 anyos, residente sa Barangay Paulino Labio, Northern Kabuntalan, Maguindanao del Norte.
Sumala sa mga residente sa lugar lima ka buto sa pusil ang ilang nadungog ug dihang ilahang gisusi nakita na lang nga nahagba na sa kalsada ang lawas sa biktima.
Base sa report sa kapulisan, nagmaneho si Dofredo sa motorsiklo dihang gipusil kini sa armadong nakasakay sab og motor gamit sa .45 pistol.
Kahinumduman nga Nahimong konsehal og usa ka termino ang biktima sa Kabuntalan Del Norte ug karon nagpapili pagka konsehal sa Midsayap, Cotabato Province. (Camille Santos Naraga)
(Source: Contributed)