Davao City – Miapud-apod og Personal Protective Equipment (PPE) ang City Environment and Natural Resources Office (CiENRO) sa Mati City ngadto sa 130 ka solid waste personnel nga responsable sa pagkolekta sa basura, uban sa ilang mga kauban nga partners, niadtong Marso 25, 2025.
Ang mga garbage collectors nakadawat og kompleto nga set sa protective gear nga naglakip sa protective caps, reflective vests, boots, raincoats, sweatshirts, gloves, mga pala, ug mga baskets.
Sa laing bahin, ang mga benepisyaryo sa Binbike Project sa CiENRO nakadawat usab og nagkalain-laing protective gear ug uban pang mga gamit.
Tumong sa maong inisyatiba nga mapalambo ang sistema sa pagkolekta sa solid waste sa Mati City ug masiguro ang kahimsog ug kaluwasan sa mga empleyado. (Camille Santos Naraga)
(Source: Contributed)