DAVAO CITY – Nanawagan si Mayor Sebastian “Baste” Duterte nga pahawaan si Presidente Ferdinand Marcos Jr. sa pwesto, nag-ingon nga dili siya angay mamuno kay “wala siya gihigugma sa mga tawo.”
Atol sa iyang mensahe sa Rizal Park sabay sa kulminasyon sa ika-88 nga Araw ng Davao niadtong Domingo, Marso 17, mihatag og mapintas nga pahayag si Duterte Jr. batok kang Marcos Jr. tungod sa pagpahimutang sa iyang amahan, kanhi Presidente Rodrigo Duterte, sa kustodiya sa Internatin onal Criminal Court (ICC).
Nahimong reaksiyon kini sa pagsurender ni Duterte Sr. sa ICC niadtong Marso 12, usa ka adlaw human siya madakpan sa Ninoy Aquino International Airport (NAIA) Terminal 3.
Daghang mga tagasuporta ni Duterte Sr. ang mitambong sa Araw ng Davao ug mipadayag sa ilang pagkadismaya kang Marcos Jr., nanawagan sa iyang pagpahawa. Ang uban nagdala og mga placard nga nag-akusar kang Marcos Jr. nga nagbaligya sa nasud, samtang ang uban nagasinggit og “Duterte forever!”
Kini nga kalihukan rason sa nagkataas nga tensiyon tali sa kampo ni Duterte ug Malacañang, nga nagpalig-on sa mga espekulasyon bahin sa posibleng politikanhong panagbangi sa umaabot nga mga bulan. (Camille Santos Naraga)(Source: Contributed)