Davao Oriental – Malapit nang simulan ang konstruksiyon ng multi-million fishport facility sa Mati City matapos na iginawad ng Philippine Fisheries Development Authority (PFDA) ang nasabing proyekto sa isang construction firm na nakabase sa Tagum City.
Sa impormasyon mula sa CIO Mati, ang nasabing proyekto ay naibigay sa contractor na Teddie Construction Development/Metro Gear Construction Corporation (JV) na nasa Barangay Magdum, Tagum City. Ang nasabing proyekto ay may pondo na aabot ng ₱ 69.39 million.
Ito ang unang bahagi ng Mati City fishport project kung saan dagdag na budget ilalaan ng PFDA. Sinasabing ang phase one ng nasabing proyekto ay para sa dalawang ektarya kung saan dito ilalagay ang administrative building at market hall.
Kinakailangan din ang ₱ 300 million na pondo para sa mas modernong pasilidad kung saan ang PFDA ang magbibigay ng ₱ 150 million na pondo para dito.
(Source: Mati City Information office)