Davao del Sur – Nadakpan sa gihimong buy-bust operation sa kapulisan ang usa ka 32-anyos nga mag-uuma sa Purok 3, Barangay Eman, Bansalan, Davao del Sur, Huwebes sa gabii, Nobyembre 13, 2025.
Giila ang suspetsado nga si alyas “Ton-Ton,” residente sa mao gihapong dapit.
Base sa imbestigasyon, napalitan ang suspek og usa ka sachet sa gituohang shabu. Nakumpiska usab gikan kaniya ang tulo pang sachets sa ilegal nga droga, nga nagkantidad og PHP 2,040 ang tibuok.
Ang suspek karon padayong gipaubos sa kustodiya sa Bansalan Municipal Police Station samtang nagpadayon ang imbestigasyon.(Camille Santos Naraga)(Source: Bansalan MPS)