DAVAO DEL NORTE – Arestado ang mag-igsoon kinsa giilang High Value Target human gipahigayon sa PNP Drug Enforcement Group SOU 11 nga gipangunahan ni Police Captain Wilquin Enciso, Deputy Commander ug PLt Col. Joelito Espero, Commander, kauban ang Tagum City Police Station ubos sa supervision ni PLt. Colonel Frederick Deles ang drug buybust operation sa Pandapan, Tagum City.
Giila ang dinakpan nga silas Esmael Andong, alyas Ado, 46-anyos, Top 4 sa drug watchlist sa Tagum City ug Desoy Andong alyas Desoy, 35-anyos, mga residente Purok Lemon, Pandapan, Tagum City.
Nakuha sa posisyon sa dinakpan ang kapin 55 grams sa gituohang shabu nga nagkantidad sa kapin P374,000.
Sa karon, himas rehas ang dinakpan ug magatubang sa kasong paglapas sa RA 9165 kun ang Comprehensive Dangerous Drugs Act of 2002 ang atubangon sa dinakpan. (Camille Santos Naraga)(Source: Contributed)