Padayon ang paghatag og libreng sakay sa Office of the Vice President – Eastern Visayas Satellite Office (OVP-EVSO) pinaagi sa Libreng Sakay Program, nga naghatag og libre nga transportasyon sa mga trabahante, estudyante, ug uban pang mga commuter nga nanginahanglan og sakyanan.
Ang serbisyo nagdagan sa ruta nga Petron Avenida Veteranos (Downtown) – Tagpuro gikan alas 6:00 hangtod alas 9:00 sa buntag ug alas 4:00 hangtod alas 9:00 sa gabii.
Tumong sa programa nga maminusan ang gasto sa pamasahe ug masiguro ang mas sayon nga pagbiyahe padulong sa trabaho, eskwelahan, ug uban pang adlaw-adlaw nga kalihokan.
Gipahayag sa OVP-EVSO nga magpadayon ang programa sa 2026 ug sa umaabot pa, isip kabahin sa ilang padayon nga serbisyo ug pag-atiman sa publiko.(Camille Santos Naraga)(Source: OVP – Eastern Visayas Satellite Office)