Davao City – Nailhan na ang patay’ng lawas sa lalaking naglutaw sa bangkaan sa Riverside, Purok 7, Brgy 1-A Magallanes alas 6:50 miyerkules sa gabie, Disyembre 20, 2023.
Giila ni Police Major Marvin Hugos, station commander sa San Pedro police station 2 ang biktima nga si Roy Alvaro, 55-anyos taga Awhag riverside, Bacaca, Brgy. 19-B.
Sumala ni Police Major Hugos, positibong giila ang biktima sa asawa nga si Emmie Sarino Alvaro.
Dugang niini, disyembre 19, 2023 gireport ni emmie nga missing ang iyang bana ug ulahi kining nakitang nanghinlo likod sa ilang balay duol sa sapa.
Gituohang nahug kini sa sapa kay wa na nakita ug ang mga gamit lamang niini sa paglimpyo ang nahibilin sa maong dapit. (Camille Santos Naraga)
(Source: DCPO)