DAVAO CITY – GIPUSIL patay ang usa ka laki sulod mismo sa iyang balay sa Purok 9 Malinawon, Brgy. La Filipina, Tagum City, kagabii, Nobyembre 21, 2025.
Giila sa Tagum City Police ang biktima nga si Abobakar Kamsa Pamilian, 32 anyos, minyo, ug residente sa maong lugar.
Base sa inisyal nga imbestigasyon, samtang nagpakaón sa iyang manok ang biktima, misulod ang wala mailhing armado ug diretso siyang gipusil.
Tungod sa grabeng samad-pinusil nga naangkon, wala na matagaan og kahigayonang mabuhi ang biktima.
Sumala ni PLTCOL Frederick Deles, hepe sa Tagum City Police, nagpadayon na sila sa mas hugot nga imbestigasyon aron matino ang katuyoan sa krimen ug maila ang suspect. (Camille Santos Naraga)(Source: Contributed)