Davao Oriental – Mukabat sa kapin 825,000 pesos nga kantidad sa gituohang shabu ang nasakmit atul sa buy bust operation sa mga otoridad sa pdea-xi,intel-unit sa PRO-XI, Davao Oriental Police Provincial Office ug Mati City Police sa Purok Kalayaan, Mlgr. Madang, Barangay Central, Mati City, Davao Oriental.
Giila ni PDEA-XI Director Aileen Lovitos ang target sa operasyon nga si Cresentino Altizo Jr., 27 anyos, residente sa Purok Fairview, Barangay Central, Mati City nga napalitan og usa ka sachet nga naay sulod sa gituohang shabu sa kantidad nga 1000 pesos.
Sumala ni lovitos, laing 12 pa ka mga sachets nga naay sulod sa gituohang shabu ang nasignit sa possession sa suspek nga moabot sa 55 grams nga adunay street value nga 825 thousand pesos.
Sa karon, himas rehas ang suspek nga mag-atubang og kasong paglapas sa section 5 kon selling ug section 11 kon possession sa illegal nga droga sa Republic Act 9165 kon Comprehensive Dangerous Drugs Act of 2002. (Camille Santos Naraga)
(Source: PDEA XI)