DAVAO CITY – Sa pagsaulog sa 2025 Elderly Filipino Week nga may tema nga “Embracing Age: Living a Life with Dignity and Purpose,” kapin sa 1,000 ka mga senior citizen sa Misamis Occidental ang nakadawat og pinansyal nga ayuda kaniadtong Oktubre 9 sa Asenso Misamis Occidental Sports and Cultural Center.
Mitambong sa kalihokan si NCSC-10 Regional Director Mary Jean Asum, nga nagpasalamat kanila Governor Henry Oaminal ug sa tibuok probinsyal nga gobyerno alang sa padayon nga suporta sa mga katigulangan.
Gipanghimatuoran usab ni Governor Oaminal ang iyang komitment nga maprotektahan ug mapaayo ang kahimtang sa mga senior citizen, aron matag Misamisnon elderly mabuhi uban ang dignidad, pag-amuma, ug katuyoan—subay sa panan-awon sa lalawigan nga Asenso Misamis Occidental.(Camille Santos Naraga)(Source: Contributed)