Arestado ang ika-8 sa drug watchlist sa Davao Region sa isinagawang drug buy-bust operation ng mga miyembro ng Digos City Police Station sa pangunguna ni PLt. Diosdado Niones II sa ilalim ng pangangasiwa ni PLt. Col. Hamlet Lerios kasama ang Regional Special Operation Group (RSOG) XI sa pangunguna ni PLt. Wilquin Enciso sa ganap na 12:39 ng umaga, Oktubre 11, 2022 sa Corner Corregidor St, Lim St., Brgy. Zone 3, Digos City.
Kinilala ni PLt. Diosdado Niones II, ang suspek ay si Jojo Dumaguete alyas Bots, 24 taong gulang mula sa Purok Jaguar, Lapu-Lapu Ext., Brgy. Zone 3, Digos City.
Ayon kay PLt., binili ng kanilang poseur buyer ang suspek ng isang pakete ng pinaniniwalaang shabu at nakuha sa kanya ang lima pang pakete.
Mayroong 0.44 gramo ng shabu na nagkakahalaga ng P6,600.
(Source: Digos City Police Station, Kamm Media Network)