Nasikop ang usa ka 30-anyos nga lalaki human masakpan nga misuway og pagpuslit og giingong shabu, nga nasakmit sa Sirawan checkpoint sa Davao City niadtong alas 7:50 sa gabii, Hulyo 6, 2025.
Nailhan ang suspek nga si alyas Alnor, residente sa Tacurong, Sultan Kudarat.
Base sa imbestigasyon, sakay ang suspek sa usa ka silver Toyota Hiace van ug paingon unta sa siyudad sa Davao. Apan sa gipatuman nga inspection sa mga personahe sa Task Force Davao ug Davao City Police Office (DCPO), narekober sa iyang posisyon ang 19 ka sachets sa puti nga kristal nga substansiya nga gih suspect nga shabu.
Ang nasakmit nga droga mitimbang og 119.43 gramos nga gibanabana og street value nga ₱895,725.
Karon, ang suspek anaay kustodiya sa kapulisan ug pagasangkayon og kaso ilawom sa Republic Act 9165 o ang Comprehensive Dangerous Drugs Act of 2002.(Camille Santos Naraga)(Source: Contributed)