DAVAO CITY – Nadakpan sa mga operatiba sa Santa Ana Police Station 1 ang usa ka lalaki nga giila sa alyas “Akmad,” 37 anyos, human masakpan nga nagtipig og gituohang shabu ug usa ka revolver.
Base sa report sa kapulisan, gihimo ang implementasyon sa search warrant niadtong alas 6:54 sa buntag, Agosto 4, 2025, sa Purok 8A, Barangay 31-D, Quezon Boulevard, Davao City.
Nasakmit sa mga otoridad ang walo (8) ka sachets sa gituohang shabu ug usa ka .22 caliber revolver nga walay serial number.
Gibanabana nga ang kantidad sa mga nakuhang ilegal nga droga moabot sa ₱146,880. (Camille Santos Naraga)(Source: Contributed)