DAVAO CITY – Nag-una sa pinakabag-ong MRS Congressman Preference Survey alang sa umaabot nga 2025 Elections sa Davao City sila Congressman Paolo Duterte, iyang anak nga si Omar Duterte, ug Congressman Isidro Ungab.
Gikan sa resulta sa survey, nagpabiling paborito sa mga botante sa First District si incumbent Congressman Paolo Duterte, nga nakakuha og taas nga 89.16% sa mga boto. Ang iyang kontra nga si Margarita “Migs” Nograles, nakakuha lamang og 4.92%.
Sa Second District, si Omar Vincent Duterte nakakuha og 79.7% nga suporta gikan sa mga respondents, samtang ang iyang kaatbang nga si Augusto Javier Campos, nakadawat og 11.3%.
Sa Third District, si incumbent Congressman Isidro Ungab nakadaug usab sa suporta sa katawhan, nakakuha siya og 71.2% kumpara sa 6.73% nga nakuha ni Nonoy Al-ag.
Ang maong survey gipahigayon niadtong Abril 1 hangtod 20, 2025, nga adunay 2,800 ka mga tinubdan sa tibuok Davao City.(Camille Santos Naraga)(Source: Contributed)