Davao City – Swerteng naluwas ang driving sa truck human nadisgrasya ang gi drivan niini nga 10-wheeler truck sa Purok 26, Sitio Upper Lanitom, Barangay Suawan, Marilog District.
Giila ang biktima nga si alyas Joey 24-anyos ug residente sa Malungon Gamay, Sarangani.
Makita usab sa nag trending nga video nga nagdagan sa kalsada sa maong lugar ang trak ug ang SUV nga Toyota Innova, sa magkasugat nga direksiyon, pag-abot sa kurbada, nawad-an og kontrol ang trak ug mipaingun sa pikas lane.
Nibangga ang trak sa poste sa DLPC ug tungod sa kakusog sa impact, natumba ang poste ug nadamay ang laing poste ug didto mipaingun sa SUV.
Sa karon, anaa sa kustudiya sa kapulosan ang driver sa giingong truck. (Camille Santos Naraga)
(Source: DCPO)