Nagdugang ug duha ka mga swabbing centers ang lokal nga kagamhanan dinhi sa dakbayan sa Davao sa tumong nga mahimong paspas ang swabbing ug pagpagawas sa RT-PCR Test result.
Ang nasangpit nga duha ka dugang swabbing centers gipahimutang sa Barangay Ilang ug Barangay Matina ning siyudad sa Davao. Makahimo sa pag-atiman ug tag lima ka libo ka mga indibiduwal kada adlaw ang nasangpit nga matag swabbing center. Partikular nga mga F1 o kadtong mga dunay influenza-like illnesses (ILI) ang ilang i-akomodar matag adlaw.
Ang dakbayan sa Davao dunay lima ka mga main swabbing centers ning kasamtangan nga mao ang Sta. Ana, Magsaysay, Crocodile Park ug nadugang pa ang duha ka mga bag-ong swabbing centers sa Ilang ug Matina ning siyudad. Samtang duna pa’y mga swabbing centers nga nahimutang sa pipila mga distrito dinhi sa dakbayan sa Davao.
(Source: City Information Office-Davao City)