Davao City – Sikop sud sa prisuhan ang usa ka Cafgu member nga suspek sa paglugos ug pagpatay sa usa ka 10-anyos nga bata sa brgy. Dalagdag Calinan District.
Giila sa Calinan Police Station ang suspek nga si Joshua Pilongo, 20-anyos taga Purok 4 Lower Barangay Lacson Calinan District.
Sumala sa report, Ang suspek boluntaryong misurender kang Dalagdag Barangay Kapitan Rogelio Dela Cruz niadtong Abril 9 alas 5:00 sa hapon.
Giangkon usab niini kang kapitan Dela Cruz nga siya ang milugos og mipatay sa biktima.
Kahinumduman nga ang apuhan sa bata nga si Clarita ang mismong nakakita sa patay’ng lawas sa iyang apo sa kasagingan sa Purok 5 sa barangay Dalagdag niadtong Abril 9, alas 3:00 sa hapon nga anaa na sa state of decomposition.
Human ang ikatulong adlaw, nakita ang bata nga wa nay kinabuhi.
Suspek napasakaan na og kasong Rape with Homicide kinsa anaa karun sa Calinan Police Station. (Camille Santos Naraga)
(Source: DCPO)