DAVAO CITY – Naaresto ang giilang big-time drug pusher sa gipahigayon nga drug buy-bust operation sa Purok Silad, Barangay Mandug, alas 4:40 sa hapon niadtong Huwebes, Hunyo 26, 2025.
Gipasiugdahan ang operasyon sa mga operatiba sa Regional Special Enforcement Team (RSET) sa Philippine Drug Enforcement Agency Regional Office 11 (PDEA-11) ug National Bureau of Investigation Southeastern Mindanao Regional Office (NBI-SEMRO).
Ang suspek giila sa alyas nga Jhonny, 44-anyos, nga nasakpan sa dihang napalitan sa usa ka poseur buyer og usa ka pakete sa gituohang shabu nga nagkantidad og ₱8,000.
Dugang pa, nakuhaan kini og unom (6) ka pakete sa gituohang shabu nga may kabug-aton nga 51 grams ug total market value nga ₱408,000.
Gidala dayon sa kustodiya sa awtoridad ang suspek ug pasakaan og kasong paglapas sa Republic Act No. 9165 o ang Comprehensive Dangerous Drugs Act of 2002.(Camille Santos Naraga)(Source: Contributed)