DAVAO CITY – Nagtinabangay ang Bureau of Fire Protection (BFP) ug ang mga residente sa Baybay Pindasan, Mabini, Davao de Oro sa paglunsad og flushing operation human maapektuhi sa pagbaha niadtong Abril 13, 2025.
Ang maong pagbaha mitugot og baga nga lapok nga misulod sa mga kadalanan, mga panimalay, ug ubang establisemento sa lugar, hinungdan sa kalisud sa paglihok ug kahimtang sa katawhan.
Padayon ang panawagan sa mga otoridad sa publiko nga mag-amping ug magpadayon sa pag-ampo alang sa kaluwasan sa tanan.(Camille Santos Naraga)(Source: Contributed)