Davao City – Patay ang 2 anyos nga batang babaye ug ang amahan niini human ang nahitabong insidente sa Carlos P. Garcia Highway Diversion Road, Maa, Davao City
Giila ang mga biktima nga si Athenna Sudlay, 2 anyos ug si Randy Bernabe Sudlay, 45 anyos, samtang ang inahan nga anaa na sa maayong kondisyon giilang si Cheery Mae Guyo Tinapay, 36 anyos pulos mga residente sa Rosalina Village 1, Puan, Talomo, Davao City.
Base sa report sa Maa Police Station 16, sakay sa motorsiklo ang mga biktima ug nagsubay sa pa-norte nga direksiyon sa kalsada pag-abot niini sa crossing bypass road nabangga kini sa bus nga gipanagiyahan sa Bachelor Express Company ug dinhi nahitabo ang insidente.
Dali nga miresponde ang rescue team sa Barangay Maa ingon man Barangay 19-b apan gideklarang dead on arrival ang mag-amahan ug anaa sa seryosong kahimtang ang inahan sa bata.
Sa karon, nakakustodiya na sa Maa Police Station ang driver sa bus nga giila sa mga pulis nga si Wilson Mainit Mahilum. (Camille Santos Naraga)
(Source: PIO DCPO)