Davao del Sur – Arestado ang usa ka assistant sa bilyaran human nga gikasa sa mga sakop sa Digos City Police ug PDEA XI ang joint drug buy bust operation sa Purok Jacosalem, Aurora 3rd Street, Barangay San Jose, Digos City.
Giila sa kapulisan ang suspek nga si Leonald Pansacala Magallanes, 32 anyos ug residente sa Purok Uwagon Punta Biao, Barangay Cogon, Digos.
Nakuha sa posisyon sa suspek human kining napalitan ug usa ka sachet nga adunay sulod sa gituohang shabu ug 7 pa ka mga pakete sa ilogan nga druga nga mobalor sa kapin 55,500 pesos.
Nakuha usab ang homemade caliber .38 revolver, marked money ug holster sa baril.
Sa karon, magatubang ang suspek sa kasong paglapas sa RA 9165 kun Comprehensive Dangerous Drugs Act of 2002 og paglapas sa COMELEC gun ban. (Camille Santos Naraga)
(Source: PIO PRO-XI)