Davao del Sur – Sikop ang usa ka 27 anyos kinsa nagtipig ug smuggled nga sigarilyo human gipahigayon ang buy bust operation sa purok maya-maya, barangay Dawis, Digos City.
Giila sa mga pulis ang suspek nga si Ronald Rubia dela Cruz, 27 anyos, residente sa barangay San Jose, Zamboanga City.
Sumala sa report, nakuhaan si dela Cruz og usa ka box sa sigarilyo gamit ang buy bust money nga 14,500 pesos.
Atul sa transaksiyon, nakita sa poseur buyer nga pulis sa payag nga tapad sa balay sa suspek ang 60 boxes sa smuggled nga sigarilyo asa gibana-banaang mobalor sa 870,000 pesos ug gilayon nila kining gikumpiska.
Sa karon, gikustodiya na sa kapulisan ang mga smuggles nga sigarilyo ug giandam na sab ang kaso batok sa suspek nga paglapasa Republic Act 1937 kon Tariff and Customs Code of the Philippines ug Republic Act 8293 kon Intellectual Property Code of the Philippines.
By: Camille Santos Naraga – Source: Digos City Police