Gipresenta sa National Bureau of Investigation (NBI) sa media ang tulo ka mga Pilipino nga nakalingkawas gikan sa usa ka scam farm sa Cambodia.
Matod pa sa mga biktima, gihanyagan sila og trabaho isip call center agents, apan sa ilang pag-abot, gipugos sila nga mahimong scammers. Gawas pa niini, nakasinati usab sila og pagpanamastamas ug pagpanggukod.
Tungod sa koordinasyon sa NBI ug uban pang ahensya, nakabalik sa Pilipinas ang mga biktima sa kadlawon sa Domingo, Marso 16.
Padayon karon ang imbestigasyon sa maong insidente samtang ginaatiman usab ang mga biktima alang sa ilang seguridad ug panglawas.(Camille Santos Naraga)(Source: Contributed)