Davao City – Arestado ang 2 ka mga sekyu kinsa nalambigit sa illegal discharge of firearm sulod sa Hotlegs Bar sa San Pedro St. sa dakbyan sa Davao.
Giila sa kapulisan ang mga dinakpan nga sila Ronald Panganduyon 44-anyos residente sa Panabo City ug Hamim Esmael 44-anyos, nga taga Bacaca kinsa pulos mga sekyo sa usa ka investigation agency.
Sumala sa report, nga walay miangkon sa duha ug kinsay nagpabuto ug armas maong gidesisyunan kini nga ipailawm sa paraffin test aron nga makita ug kinsay responsible sa giingong insidente.
Dugang niini, naka kustudiya na usab ang ilahang 3 ka mga kauban.
Kahinumduman nga adunay panaglalis nga nahitabo sulod sa usa ka bar nga miresulta sa pagpabuto.
Sa karon, gihulat nalang ang resulta sa gipahigayong test. (Camille Santos Naraga)
(Source: San Pedro Police Station 2)